L’ummira
Sempri cu mmia, sempri nu riscursu.
Si mi sbrazzu mi fai u versu,
si camimu vieni appressu
mantinennu u stissu passu.
Criru, e senza forsi,
ca mi giru e mi fai fissa.
ca i segreti mia vannu rispersi.
Ma ha’ finutu i fari a sarsa!
Aiu truvatu u giustu versu:
astùtu a luci, e iu t’abbersu!!
Unni si, vieni cca, unni si spersa;
mi sentu ‘mmenz’o sbersu,
‘nciummi senza cursu,
comu 'mpezz’ i lignu jarsu
comu misu pi traversu;
‘ngozzu[1] ‘mmari spersu.
Mi pari ca u munnu va a riversa,
mi scantu macari ‘i fari‘mpassu,
Ura m’arrennu, è veru, lu cunfessu,
pirchì senza ri tia mi sentu persu !
( Nello benintende )
1) Barca tipica.
