Buccheri
‘Nta muntagna c’è ‘mpaìsi
unni Ddiu fi’ tanti cosi.
.Cci sturiau pi tanti misi
cummattennu senza posa,
Senza mai barari a spisi,
u vurcanu suttamisi,
e ‘nte petri fi’ maìsi, [1]
ciuri,ceusi e girasi,
u castieddu e a lifisa,
aria frisca e beddi crièsi,
vecchi, giuvini e carusi,
scali e conchi co’ gginìsi[2] n’ogni casa.
Fi’ nivieri assai ‘nciniusi.
Antuppau tutti i purtusi.
Arrizzittà tanti cuntisi;
Ccu ssurari mai s’arrisi.
E ppi fallu cchiù amurusu
ritagghiau sita turchìsi,
misi stiddi pi cimusa,
e quattru nivuli c’i appisi.
Ascutannu ogni pritìsa,
i Canali po’ cci misi;
e pinsannu ‘o Pararisu,
a stissa forma Iddu cci resi..
nello benintende
2005
1) Semina
2) Carbonella
